13

عمران خان کو 2018 میں سیاسی طور پر دفن کردیں گے، شہبازشریف

بہاول پور( پاکستان اپ ڈیٹس)پاکستان مسلم لیگ (ن) کے صدر اور وزیر اعلیٰ پنجاب شہباز شریف کا کہنا ہے کہ 2018 کے انتخابات میں عمران خان کو سیاسی طور پر دفن کردیں گے۔ بہاولپور میں وکٹوریہ اسپتال کے 150 بستروں پر مشتمل کارڈک سینٹر کی افتتاحی تقریب سے خطاب کے دوران شہباز شریف نے کہا کہ کارڈیالوجی سینٹر پر ایک ارب 70 کروڑ روپے لاگت آئی، عمران خان رمضان المبارک میں بھی جھوٹ بولنے سے اجتناب نہیں کررہے، انہوں نے خیبر پختونخوا میں کوئی اسپتال، یونیورسٹی یا ریسرچ سینٹرنہیں بنایا، انہوں نے صوبے کا بیڑہ غرق کردیا، عمران خان آئیں اور دیکھیں کہ ترقی کیسے ہوتی ہے۔ 2018 کے انتخابات میں عمران خان کو سیاسی طور پر دفن کردیں گے۔ شہباز شریف نے کہا کہ کل پنجاب حکومت کی آئینی مدت پوری ہو جائے گی، ہم سے بہاولپور کی جو خدمت ہوسکی وہ کی ہے، 5 برسوں میں بہاولپور کے لیے اربوں روپے کے منصوبے مکمل کیے، بہاولپور میں بنائے گئے ادارے یورپ کی طرز کے ہیں، یہاں دنیا کی بہترین ڈرگ ٹیسٹ لیباریٹری بنائی گئی ہے،پہلی بار چھوٹے کسانوں کو بلاسود قرضے دیے۔

اس خبر پر اپنی رائے کا اظہار کریں

اپنا تبصرہ بھیجیں