21

مشکل گھڑی میں اردن کی حکومت اور عوام کا پورا ساتھ دیں گے : شاہ سلمان

ریاض(پاکستان اپ ڈیٹس )خادم حرمین شریفین شاہ سلمان بن عبدالعزیز آل سعود نے اردن کے فرماں روا شاہ عبداللہ دوم سے ٹیلیفون پر بات چیت کی۔اس موقع پر شاہ سلمان نے بحیرہ مردار کے سیلاب میں متعدد افراد کے جاں بحق ہونے پر اردن کے فرماں روا سے تعزیت کی۔ سعودی فرماں روا نے زخمیوں کے لیے جلد شفایابی کی دعا بھی کی۔ اردن میں شدید بارشوں کے نتیجے میں سیلاب آگیا۔ اس دوران بحیرہ مردار (البحر المیت) کی وادی میں ڈوب کر کم از کم 20 افراد جاں بحق اور 44 لا پتا ہو گئے۔ علاوہ ازیں 35 کے قریب افراد زخمی بھی ہیں۔ جاں بحق اور متاثرہ افراد میں کئی بچے بھی شامل ہیں۔ٹیلیفونک رابطے میں خادم حرمین شریفین نے باور کرایا کہ حالیہ سیلاب سے ہونے والے نقصانات پر قابو پانے کے لیے سعودی عرب اردن کی حکومت اور عوام کی خدمت کے واسطے تمام تر وسائل بروئے کار لائے گا۔ اس موقع پر شاہ عبداللہ دوم نے خادم حرمین کے مخلصانہ جذبات اور ہمدردی اور ہر مشکل گھڑی میں سعودی عرب کے اردن کے ساتھ کھڑے ہونے پر شاہ سلمان کا بھرپور شکریہ ادا کیا۔

اس خبر پر اپنی رائے کا اظہار کریں

اپنا تبصرہ بھیجیں